|
Grüaß Gott, Liabe Leid, Grüaß Gott beianand, bei uns daherin im Waidla-Land.
'Grüaß Gott' sag i gern, denn es liegt so vui drinn, in dem uraltn Gruaß mit dem ganz tiafn Sinn.
Unsa boarischa Gruaß is weitum bekannt, wia unsere Berg und unsere Seen, wia s ganz Boarische Land.
Und herinnad im Woid gibt's kreuzbrave Leid. Sie lebn mitm Herrgott bei Freud und bei Leid.
Könnt kemma wos möcht, des derfst mia scho glaubn: Unsern Gruaß kann koa Mensch dem Waidler mehr raubn.
Und jedn der zu uns im Woid einakimmt, dem ruafn wir zua in hundert Jahr no bestimmt:
Grüaß Gott liaba Gast! Grüaß Gott beianand! Grüaß Gott daherin, im Waidla-Land!
|
|
||||||||||||||||
